OBREY CHIRWA ATIMKIA KWAO ZAMBIA

OBREY CHIRWA ATIMKIA KWAO ZAMBIA

Uongozi wa Yanga umemruhusu mshambuliaji wake Obrey Chirwa kwenda kwao nchini Zambia kwa ajili ya kushughulikia matatizo ya kifamilia.

Nyota huo mzambia hatakuwa sehemu ya kikosi cha Yanga kitakachoivaa Welayta Dicha Jumamosi hii kwenye mchezo wa kwanza wa kusaka tiketi ya kutinga hatua ya makundi kombe la Shirikisho.

Mshambuliaji huyo ambaye pia ni kinara wa mabao ndani ya kikosi cha Yanga anatumikia adhabu ya kadi mbili za njano katika michuano ya CAF sambamba na kiungo wa mabingwa hao watetezi Papy Kabamba Tshishimbi, mlinzi Kelvin Patrick Yondani na Said Juma Makapu.

Meneja wa Yanga Hafidh Saleh amesema Chirwa aliomba ruhusa uongozi wa klabu hiyo na wamemruhusu.

Kikosi cha hicho kinataraiwa kurejea Jijini Dar es salaam leo, kutoka mkoani Morogoro kilipokuwa kimeweka kambi kwa ajili ya mchezo huo wa kombe la shirikisho dhidi ya Welayta Dicha ya Ethiopia.