HIKI HAPA ALICHOKISEMA NAHODHA WA SIMBA JOHN BOKO

Nahodha wa Simba SC, John Raphael Bocco amesema kwa sasa akili zao zipo kwenye ubingwa wa Ligi Kuu ya Vodacom Tanzania Bara wakihitaji kushinda kila mechi ili kutimiza malengo yao hayo.

Bocco aliyasema hayo baada ya kuisaidia Simba kushinda 2-0 katika mchezo wa Ligi Kuu Tanzania Bara dhidi ya wenyeji, Njombe Mji FC.

Mshambuliaji huyo alifanikiwa kuifungia timu yake magoli yote hayo katika dakika ya 17 na 64.

Baada ya ushindi huo Bocco alisema kuwa licha ya kupata ushindi katika mchezo na Njombe lakini hawatabweteka na watakikisha wanapambana kupata pointi tatu muhimu.

“Tunashukuru kupata pointi tatu muhimu katika mchezo na Njombe, tunasahau na kuelekeza akili zetu katika mchezo dhidi ya Mtibwa Sugar,” alisema.

Bocco alisema kikosi chao kipo vizuri kwa ajili ya kupambana na kupata ushindi na kufikia malengo yao ya kutwaa taji la ubingwa wa Ligi Kuu msimu huu wa 2017-2018.

Simba iliondoka Njombe jana asubuhi kurejea Iringa kuweka kambi ya siku mbili kabla ya kesho Ijumaa kwenda Morogoro kwa ajili, ya mchezo ujao wa Ligi Kuu dhidi ya Mtibwa Sugar Jumatatu ya April 09 mwaka huu.