HAMISI KIIZA ATOA NENO KWA SIMBA

Mshambuliaji wa zamani wa Simba, Hamisi Kiiza amesema usajili uliofanywa na Simba msimu huu unaonekana wamedhamilia kufanya vizuri msimu huu.

Kiiza katika msimu wa 2015/16 alifunga mabao 19, idadi ambayo washambuliaji wote walioziba nafasi yake Msimbazi wakiongozwa na Laudit Mavugo wameshindwa kuifikia.

Kiiza anayechezea Al Hilali ya Sudan alisema kwa namna alivyousikia usajili wa Simba, inaonekana wana dhamira ya kufanya kitu tofauti katika msimu mpya.

"Wamesajili wachezaji wanaojua wanafanya nini uwanjani, niwakumbushe jambo dogo ambalo wasije wakalipuuza, linaweza kuwa mwiba kwao. Watengeneze umoja na mshikamano," alisema.

Kiiza alikiri kwamba Ligi ya Tanzania ni nzuri, hivyo usajili unaoendelea kwa klabu mbalimbali, utasaidia kuongeza ushindani na kufanya mashabiki wapate burudani ya kutosha.