Producer wa Ali Kiba Abydad Afunguka WCB ilivyo vunja Mahusiano yake na Kiba

Mtayarishaji wa wimbo Aje wa Alikiba, Abydad, amefunguka kwa kudai kuwa mahusiano yake na muimbaji huyo yalivunjika baada ya studio yake kufanya kazi na wasanii wa WCB, Diamond na Rich Mavoko.

Abydad ameiambia masangulatz kuwa hakuna chochote ambacho anadhani kumewatenganisha yeye na Alikiba zaidi ya project ya Rich Mavoko na Diamond, Kokoro.

“Najua kuna baadhi ya watu watanishambulia, watazunguza maneno mabaya lakini mwisho wa siku ukweli humweka huru mtu,” alisema Abydad. “Mimi sio producer wa msanii mmoja, naweza kufanya kazi na kila msanii,”

Aliongeza, “Sijazungumza kwa ubaya, hata haya mambo ya team kwa wahusika wenyewe nilikua najua tu ni mashabiki wenyewe ndio wanagombana au wanawagombanisha sikudhani kama mhusika mkuu wa pande hii na pande ile watakuwa wana ugomvi lakini baada ya hili tukio ndipo nilipoamini kuwa kweli ndani yake kuna kitu”

Hata hivyo bado Alikiba hajazungumza chochote kuhusu suala hilo, masangulatz bado inafanya jitihada za kumtafuta