CRISTIANO RONALDO AMTAMBULISHA MPENZI WAKE KWAO

Nyota wa Real Madrid na Ureno Cristiano Ronaldo amerejea kwao Ureno jana Septemba 16. Katika urejeo wake huo Ronaldo ametembela klabu yake aliyoanzia maisha ya soka Sporting CP akiwa ameambatana na mpenzi wake Georgina Rodriguez.

Ronaldo alifika mapema kwenye uwanja wa Estadio Jose Alvalade na kukutana na viongozi wa klabu hiyo ambao walimkaribisha na kumtembeza maeneo mbalimbali ya uwanja.

Baadae Ronaldo aliketi jukwaani na mpenzi wake kwaajili ya kutazama mchezo wa ligi kuu ya Ureno kati ya timu yake ya Sporting CP dhidi ya ya Tondela ambapo Sporting CP ilishinda 2-0.

Ronaldo anatumikia adhabu ya kukosa mechi 5 za La Liga na adhabu yake inaisha leo wakati Real Madrid watakapocheza na Real Sociadad. Ronaldo alijiunga na Sporting CP akiwa na miaka 12 na kufanya vizuri kwenye academy kabla ya kujiunga na Manchester United ambapo alipata mafanikio makubwa na baadae kutimkia Real Madrid.