BAADA YA YANGA KUSHIKWA SONGEA, SASA LEO ZAMU YA SIMBA

Baada ya Yanga kushindwa kupata ushindi katika mchezo wao wa jana dhidi ya Majimaji mjini Songea, sasa wapinzani wao wa jadi, Simba wana nafasi nyingine ya kuendeleza ubabe wa kuwatambia watakapokutana na Mwadui, leo Jumapili.

 

Simba na Mwadui zinakutana ikiwa ni mwendelezo wa Ligi Kuu ya Vodacom ambapo Yanga ina pointi tano katika michezo mitatu wakati Simba wao wana pointi nne katika michezo miwili.

 

Simba na Yanga zimekuwa na upinzani wa jadi kwa miaka mingi na hivyo, zinapokuwa zinazidiana pointi huw ani rahisi kushuhudia kukiwa na tambo kutoka kwa mashabiki wa timu hizo mbili.

 

Yanga yenyewe ilitoka sare ya bao 1-1 kwenye Uwanja wa Majimaji, lakini pamoja na hivyo, Simba inatarajiwa kukutana na wakati mgumu katika mchezo huo utakaochezwa kwenye Uwanja wa Uhuru kwa kuwa Mwadui yenyewe ina pointi tatu katika michezo miwili.

 

Ushindi kwa Mwadui utawafanya wasogee mbele katika nafasi za juu wakati Simba wao wanahitaji ushindi kukamilisha mchakato wa kupata bingwa baada ya kuukosa ubingwa wa Ligi Kuu kwa misimu kadhaa mfululizo.